FRUSTRATED na nanghihinang napaupo si Elena. Inis na nailapag niya ang envelope na hawak-hawak niya.
Isang Linggo na lang ang natitira sa kanya, kung hindi siya makakahanap ng mapapasukan, siguradong magiging alipin siya ng dating nobyo!
Bigla niyang nahilamos ang sariling mukha.
Nang maramdaman niyang may umupo sa harapan niya.
Lihim pa siyang napangiwi at naninigarilyo ito. Isang matamis na ngiti ang ibinigay nito sa kanya.
"Naghahanap ka ba ng trabaho?"
Nagtatakang natitigan ito ni Elena. Paano naman kaya nito nalaman? Hanggang sa ngumuso ito, nasundan naman niya ito ng tingin.
Nakausli pala ang resume niya at mukhang iyon ang napansin nito.
"Ah, oo."
Lumawak ang ngiti sa labi nito. Nagulat pa siya ng hawakan nito ang kamay niya. Talagang tinitigan nito ang pangangatawan
