LUHAANG napaluhod si Gail habang nagmamakaawa kay Henri. Kitang-kita niya ang kabagsikan sa mukha nito.
"P-please, maawa ka, hindi ko kayang mawalay kay Angel, Henri. Mahal na mahal ko si Angel!" humagulhol si Gail.
Akmang hahawakan niya ito nang marahan itong lumayo.
"P-pangako, hinding-hindi na ako makikialam sainyo ni Elena. H-hayaan mo lang akong makasama si Angel!" hikbi niya.
Kita niya ang mariing pag-iling nito. Hanggang sa bahagya itong lumuhod upang mapantayan siya.
Nang mapangiwi si Gail nang mariing nitong hinawakan ang panga niya. Umiigting ang panga nito habang matalim na nakatitig sa kanya.
"At sa tingin mo, pagkakatiwalaan pa kita pagkatapos ng ginawa mo?!" bigkas nito sa paraang nanggagalaiti.
Lalong napaiyak si Gail.
"N-nagawa ko lang naman iyon dahil mahal kit
