RAMM
Napatingin siya sa relong pambisig. Napabuntong-hininga siyang lumabas sa silid ng anak at saka nagtungo sa kusina para kumuha ng alak para magpakalasing ngayong gabi. Nang makita niya ang hinahanap niya ay agad niyang tinungga ang bote ng alak. Pabagsak na umupo siya sa stool ng bar counter. Napasabunot siya sa kanyang buhok dahil gumugulo sa kanyang isipan ang sinabi sa kanya ni Shannera. May tumatakbong mga imahe na nasa isipan niya, kung ano ang mga posibleng ginagawa ng dalawa.
Kung tutuusin, dapat siya ang nasa lugar ng kasama nito. Hindi dapat ang ibang lalaki sa piling ng asawa niya. Ang tanga kasi niya, kung bakit pa niya tinanggap ang binigay sa kanya na alak ni Sandra. Nalaman na lang niyang may inilagay ito sa baso. Ano ang napapala niya ngayon? Nagkahiwalay sila dahil
