Sa ikatlong araw nila sa isla ay hindi na malaman ni Ryo ang gagawin. Sa tuwing magkakalapit sila ni Seth ay para silang magkasintahan na limang taon na hindi nagkita. Halik dito, hawak doon, yakap dito, kagat diyan. Pero wala pa silang ginawa na kahit ano man. Hindi niya alam kung masasabik o kakabahan dahil napapansin niya ang mga tingin nito sa kaniya. Tingin na punong puno ng pagnanasa, pag-ibig at pangangailangan. Para sa isang tulad niyang mahiyain, ang tingin ng iba sa kaniya ay hindi kayang gumawa ng mga bagay na ginagawa niya ngayon. Hindi rin niya akalain na may itinatago rin pala siyang... kalandian. Siguro nga ay dala ng matagal niyang pagiging single.
Bandang tanghali ay inayos nila ang mga gamit at sinundo sila ng yate na naghatid sa kanila. Napansin niya na umiikot lamang s
