Rozel
MASAMA ang pakiramdam ni Rozel ng bumangon siya sa higaan. Mula sa veranda, kita niya ang asawa na nakaupo habang nakatanaw sa malayo. Kahit hindi maganda ang pakiramdam, sinubukan niyang lapitan si Arc.
"Arc?" Tawag niya sa atensiyon ng asawa na agad din naman siyang nilingon. Tumayo ito sa kinauupuan at nakangiting naglakad palapit sa kanya.
Pero hindi pa man ito nakakalapit ng mawalan siya ng balanse. Mabuti na lang at mabilis ang kilos ni Arc.
"Baby!" Anas ng asawa niya matapos siya nitong masalo sa muntikang pagkakatumba. Pinangko siya ni Arc at muling inihiga sa kama. Nakaramdam siya ng pagkahilo pero pilit niya iyong ininda. Malamlam ang mga mata siyang tiningnan ng asawa.
"Are you okay baby? May masakit ba sayo?" Alalang tanong ni Arc. Umupo ito sa gilid ng kama habang
