TAMAD na tamad pa rin si Lara nang kumilos para pumunta sa sariling kuwarto. Napahinto na siya pagbukas pa lang ng pinto. Kaya naman pala ganoon ang reaction ni Myca—halos mapuno ng iba't ibang sizes ng gift box ang kuwarto niya!
Nilingon ni Lara ang kaibigang nasa sala.
"Sino'ng naghatid ng mga gifts, Myca?"
"'Di ko alam, inakyat lang ng guards."
Nagtatakang pumasok si Lara. Binilang niya lahat ng gift boxes—mula sa pinakamalaki hanggang sa pinakamaliit—twenty one gifts! Powder blue, light green, gold, red at silver ang mga kulay ng shiny wrappers. Sabay-sabay na nagpadala ang mga readers niya?
Lumapit si Lara at isa isang tiningnan ang ibabaw ng gift para sa note card. Month at year lang ang nabasa niya. Iba't ibang month bawat gift. At sa pinakamaliliit na gifts, may isang linyang
