"B-BAKIT?"
"Myca is sick," sabi ni JR. "Hindi ko maiwan."
Magkasama pa rin sila ni Myca sa unit. Ang iniwang kuwarto ni Gabriel ang kuwarto nito. Ilang araw pagkaalis ni Gabriel, naghanda na rin sa pag-alis ang babae pero pinigilan niya. Sinabi niyang mag-stay na lang sa condo kung wala pa namang lilipatan. Kailangan din niya ng kasama.
Totoo ang ngiti ni Myca nang yumakap sa kanya at nagpasalamat. Nang araw na iyon nagsimula ang pagkakaibigan nila. Mas naging magaan din kay Lara ang bawat araw. May breakfast nang iniiwan si Myca para sa kanya sa umaga bago aalis. Nagvo-volunteer din ang babae na mag-grocery, mag-pick up ng laundry, magbayad ng bills—kapalit ng junk foods or pizza pag-uwi niya galing sa gig.
May mga pagkakataon na naaabutan pa niyang gising si Myca. Nagkukuwentuhan sil
