“NEED some lullaby?” boses ni Gabriel pagkatapos ng warning knock sa pinto. Gabi na iyon. Pagkatapos ng breakfast kanina, nagkulong lang si Lara sa kuwarto at hinarap ang laptop niya.
Nagsulat siya. Nagsimula siya ng bagong kuwento. May kung ano sa sinabi ni Gabriel kanina na parang binuhay ang kung ano sa loob niya. Alam ni Lara sa sarili na hinding-hindi na siya makakabalik sa dati niyang genre.
Write about love…about us…
Sinubukan ni Lara. Hindi niya inaasahan na magtutuloy-tuloy ang mga eksena sa utak niya. Kung hindi pa kumatok si Gabriel para sa lunch, hindi niya mapapansin ang oras. Naka-four chapters siya!
Nag-lunch sila. Inubos nila ang left-over chicken. Nagpadala ng bulalo si Tita Lillie. Napansin yata ni Gabriel ang katahimikan niya, nagtanong. Bi
