YULIAN
"Is it true? Kris? Wil?" ang hindi makapaniwalang tanong ng nakahalukipkip na si Jaira.
Nanatiling hindi nagsalita si Resty habang si Andres ay masama ang tingin sa dalawa.
"Nagulat kayo, 'no? " sabi ko at nginisian ang dalawa na akala mo ay naging estatwa sa loob ng ilang sandali. "Nagulat kayong mas nauna kong matuklasan ang sikreto niyo bago niyo kami maunahan kay Evan." Panggigigil ko sa dalawa.
Nanginig at umigting ang panga ni Wilmar habang nakatingin sa akin. Lumipat ang mga mata niya kay Krisanta. Nagtinginan ang dalawa na animo'y nagkasundo sa isang bagay na kanilang gagawin.
Lahat kami ay nagulantang nang maglabas ng baril si Krisanta galing sa kanyang likuran. Napaatras ako, maging sina Resty at Jaira. Si Andres naman ay nanatili sa tabi ni Evan na ngayon ay napapal
