Bumaba sila ni Vincent sa isang sikat na fast food chain para doon mag-agahan. Habang nakaupo siya at hinihintay ang lalaki na nag-oorder pa, hindi parin mawala sa isipan niya ang mga sinabi nito kanina. Para iyong sirang plaka na paulit-ulit sa kanyang pandinig. Nakakabingi. Nawalan tuloy siya ng ganang kumain kahit na amoy na amoy niya ang nakapasarap na aroma ng bagong lutong fried chicken.
Nakakuha ng kanyang pansin ang impit ng ilang kababaihan sa kabilang mesa kaya sinundan ng kanyang mga mata kung saan ito nakatingin. The girls are ogling at Vincent, parang kilig na kilig ang mga ito. Binawi niya ang kanyang tingin at ibinaling sa labas subalit napasimangot na lang siya nang makitang mukha parin ni Vincent ang nakita niya na nasa malaking billboard. Nakasuot ito ng kulay blue na tu
