Matapos nilang magkwentuhan ni Betty nagpaalam ito sa kanya na ihahatid muna sa biyenan nito si Cedes. Naisipan naman niyang ipasyal sa garden ng ospital si Kreios nang magising ito. Tulak tulak niya ang anak gamit ang wheelchair dahil mahina pa ang katawan ng bata galing sa operasyon.
"Kailan po tayo uuwi?" Tanong ni Kreios sa kanya pagkarating nila sa garden.
Nagpakawala siya ng malalim na buntong hininga. "Ayaw mo na ba dito sa ospital?"
Malungkot itong tumango. Hinaplos niya ang makintab na buhok ni Kreios at pinigilan ang sariling maluha. Sa mga susunod na araw, unti-unti ng malalagas ang mga iyon kapag nagsimula na ang chemotherapy treatment nito.
"Huwag kang mag-alala anak. Kapag magaling ka na, aalis na agad tayo dito pero sa ngayon hindi pa pwede dahil hindi ka pa okay."
"Ma
