SAMANTALA SA MANSIYON, sa kuwarto kung nasaan ang katawan ni Lukas, nakaupo si Sunshine sa kama sa tabi nito. At naroon din si Jose na nakaupo sa sofa, maging ang driver na si Mang Bhoy, na bagama’t hindi nakakakita ng mga multo ay aware sa nangyayari at ito ang naaasahan ng lolo ni Lukas na si Jose sa lahat.
Himas ni Sunshine ang kanyang malaki nang tiyan. “Baby, ‘wag kang ma-stressed, ah. Chachaka ka. Magiging ayos lang ang tatay Lukas mo. At si nanay, strong ‘to,” malambing na sambit ni Sunshine sa kanyang baby sa sinapupunan.
“Iha, ano ba ang naiisip ninyong pangalan sa magiging apo ko sa tuhod?” tanong ni Jose.
“Kapag po babae, Cecilia ang gusto naming ipangalan sa kanya,” sagot ni Sunshine. Napangiti si Jose, pangalan iyon ng kanya inang si Cecilia, ang masasabing nagturo sa lahat
