NAGAWA NAMIN NINA Dave at Diana na makapasok sa mansiyon ni lolo dahil hindi naman kami mga itim na kaluluwa. Bagsak ang mga balikat namin nang humarap kami kina lolo at Sunshine dahil hindi namin napagtagumpayan ang aming misyon. Bagama’t may pag-sa pa naman, nakakapanghina pa rin talaga. Lalo na kung may buhay na nakataya at may oras na kalaban.
“Nakikita n’yo kami?” tanong ni Diana kina lolo at Sunshine.
“Oo,” malungkot na sagot niSunshine. Ramdam ko na naaawa siya kay Diana.
“May kakayahan din akong makakita ng mga kaluluwa,” wika ni Diana.
“Kung gano’n, may gantimpala ka rin mula sa taas. Sana ay hindi ka nahirapan. Dahil maraming tao ang hindi nakauunawa sa aing kakaibang kakayahan,” ani lolo.
“Mahirap po. Minsan, hindi madalas pala, weird ang tingin sa akin ng mga tao. Kaya nga
