"Naku Elay, mabuti na lamang at nakapasyal kayo rito. Talaga namang ang laki na ng ipinagbago niyong mag-ina pero hindi pa rin kayo nakakalimot. At etong si Elliot. Naku po! Napakagwapo! Sino ba namang mag-aakala na ito na iyong patpatin at nerd mong anak!" Tuwang-tuwang sabi ng kapitbahay nila na si Aling Rosing.
Kasalukuyan kasi silang nagbibigay ng mga groceries sa mga kapitbahay nila.
"Hay nako Rosing, ikaw talaga. Hanggang ngayon ay napakadaldal mo pa rin," nakangiting sagot ng Nanay niya.
"Bagay na bagay na sila ngayon noong magandang babaeng dinala niya noon dito. Aba e, nagpunta nga iyon noon dito pero nakalipat na kayo," dagdag pa nito.
Mabilis naman siyang natigilan dahil sa sinabi nito. Si Madisson ba ang tinutukoy nito? At bakit naman siya nito pupuntahan dito sa may squatt
