NAPASINGHAP sabay balikwas ng bangon si Assandra nang bigla siyang magising. Ang mukha agad ni Luis ang nakita niya. Niyakap niya agad ang lalaki nang mahigpit. Hindi niya alam ngunit bigla siyang napaiyak.
“Mabuti naman at nagising ka na. Kung hindi ko nalaman na wala ka sa tabi ko, baka tuluyan ka nang nalunod!” ani Luis habang hinahaplos siya nito sa likod.
Kumalas siya sa pagkakayakap at nagtatakang tiningnan ito. “M-muntik na akong malunod?” Ibig bang sabihin ay hindi iyon panaginip?
“Wala ka bang naaalala? Muntik ka nang malunod sa dagat at iniligtas kita! Ano ba ang nangyari sa’yo at pumunta ka doon? Hindi ka talaga nakikinig sa akin, Assandra!”
“H-hindi ko alam, Luis. Wala akong maalala…” sabi na lang niya.
-----***-----
MAGHAPON na inisip ni Assandra ang nangyaring iyon sa k
