"HIROMI, ano bang sinasabi mo?! Nababaliw ka na ba? Isasakripisyo mo ang buhay mo nang ganoon-ganoon lang?!" protesta ni Tor sa sinabi ni Hiromi. Mariin niya itong hinawakan sa braso at matamang tinignan ito sa mata. Nakita niya doon na hindi ito nagbibiro. Seryoso ito sa sinabi nitong sasama ito kay kapitan.
"Seryoso ako, Tor. Sasama ako kay kapitan..." Tinignan ni Hiromi ang kapitan na natigilan din sa sinabi ng kanilang kaibigan.
"Ako si Kapitan Lucas."
"Kapitan Lucas..." Ulit ni Hiromi. "Sasama ako sa kanya sa paghahanap ng kabaryo niya. Malaki ang utang na loob natin sa kanya kaya dapat lang nating suklian iyon. At oo, isasakripisyo ko ang buhay ko gaya ng ginawa niya para sa atin."
"Pero, Hiromi--"
"Tor. Kaya ko ang sarili ko. Hindi na ako bata," giit pa nito.
"Hindi ko kailang
