BENEDICT'S POINT OF VIEW
Isang taon. Isang buong taon kong hinanap si Athena, at ngayon, nalaman ko lang na nasa piling siya ng isang lalaking mas matapang, mas makapangyarihan, at mas delikado kaysa sa akin.
Alexandro Visonti.
P*tangina. Kaya pala hindi ko siya mahanap-hanap. Kaya pala walang bakas ni anino niya sa kahit saan. May isang malaking halimaw na nagtatago sa kanya, nagbabantay sa kanya, parang isang asong ulol na hindi natitinag.
Nagngangalit ang mga kamao ko habang nakaupo sa loob ng opisina ko, nakapaligid sa akin ang mga tauhan ko na tahimik lang, hindi makatingin nang diretso. Hindi ko sila masisisi. Alam nilang hindi ako dapat gambalain kapag ganito ako kagalit—kapag pakiramdam ko ay gusto kong pumatay.
"Anong nalaman niyo?" malamig kong tanong sa lalaking nas
