Chapter 41
"May saltik talaga ang babaeng 'yon!" singhal ni Mellisa, tinutulungan niya na kami ngayong maglinis sa library. Hinahayaan ko lamang siyang magwalis, habang si Kyo naman ay isinasauli ang mga librong hindi na na-ibalik. "Kumalma ka, hindi naman ikaw ang pinili." natawa ako habang sinasabi ko iyon sa kanya, siya naman itong pinandilatan ako ng mata.
"Nagtataka na ako sa 'yo, sa tuwing inaaway si Kiarra ay 'todo ka tanggol, pero pag sarili mo na ang inaapi ay hindi mo magawang ipagtanggol ang sarili mo." gano'n na talaga ako, hindi naman ako magaling sa lahat. Ayoko lang na inaaway ang kaibigan ko, tulad nang sabi ko noon. Hindi ko hahayaang apihin ang mga malalapit sa akin. "Kahit sa 'yo 'yon gawin ay papatulan ko, mahaba ang pasensiya ko, Mellisa." pagka-klaro ko sa kanya, a
