“Aalis na kami.” Pagpapaalam ni Clem. Tumango lang ako habang patuloy na tinititigan ang anak ko. Ayokong ihiwalay ang mga mata ko sa kanya.
“Makie, doon na muna kami sa hotel. Pagod din kasi sa biyahe ‘yung dalawa. Sila kasi ang nagpalitan sa pagda-drive dahil hindi namin maasahan si Flame kanina. Promise, babalik kami bukas.” Pagpapaalam niya kay Makie.
“Sige. Salamat.” Mahinang tugon nito. Naramdaman ko ang pag-alis ng tatlo pero hindi ko na sila liningon pa.
Ilang beses kong narinig na tumikhim si Makie ngunit hindi ko siya pinapansin. Alam kong nararamdaman niya ang galit ko ngayong dadalawa na lang kaming nagpapakiramdaman. She made me a fool in believing that she left me for someone else. Dumating kanina ‘yung lalake na inaakala kong asawa ni Makie. Kimi niya itong ipinakilala sa
