Dahan-dahan niyang isinara ng pabagsak ang pintuan ng kotse at saka iginala ang kanyang paningin sa nagyayabang na mansyon sa harap niya. Ilang taon na ba ang nagdaan nang kalimutan niya ang bahay na naging saksi ng kanyang paglaki at pagbibinata? Pati na ang mga tao na nakatira rito ay pinilit niyang kalimutan sa mga nagdaang taon sa buhay niya. Kung hindi lang importante ang pagpaparito nila ay hinding-hindi na siya aapak dito.
“Flame, anak!” Napatingin siya sa kanyang humahangos na ina. Lumuluha man ito ay hindi mapagkakaila ang pananabik nito sa kanya.
“Mama,” bati niya rito habang tinatanggap ang mahigpit na yakap nito.
“Anak!” Humagulgol ang kanyang ina sa dibdib niya. Tumingala siya upang pigilin ang pagtulo ng kanyang mga luha. Oo, aminado siyang nananabik din siya sa yakap ng k
