Hawak kamay kami ng aking asawang si Shai habang papalayo sa simbahan sakay ng aking sasakyan.
"Saan mo ako, dadalhin?" tanong niyang sobrang luwang ng ngiti niya sa labi at may pahimas-himas pa siya sa aking hita.
"Sa langit, My. Dadalhin kita sa langit nang paulit-ulit!" sagot ko. Pero sa totoo lang, hindi ko talaga napaghandaan.
Noong nalaman ko mula kay Jerome na nasa simbahan lamang pala si Shai nagtatago, agad akong nagplano. Iyon nga lang, mabilisan dahil baka muli siyang umalis. Gaya ng ginawa niya two months ago. Ni hindi ako kinausap o pinagpaliwanag man lamang. Kung may nagawa ba akong mali.
"Nasaan si Shai?" tanong ko kay Jerome nang maabutan ko siyang hinahakot ang mga gamit ng babaeng mahal ko sa dating tinitirhan. Ilang beses na akong nagbabasakaling makita ko siya roon.
