Halos lumuwa ang mga mata ko. Sa harap ay dalawang babaeng nakasuot ng itim na hapit sa kanilang mga katawan. Tila sila mga kapatid ni Angelina Jolie sa movie na Tomb Raider sa kanilang mga suot. Ang seseksi nila. Ibang iba sila tignan ngayon kesa sa simpleng bestida o kaya ay pambahay na manang.
"Ate Trialyn, ate Alona?" bulalas kong hindi makapaniwala. Kumurap-kurap pa ako at kinusot ang mga mata dahil baka namamalik mata lamang ako. Pero hindi. Sila iyon talaga.
"Kami nga, Shai," ani Ate Trialyn. Tuluyang bumagsak ang panga ko sa gulat. May kung sino nga lamang humawak sa baba ko para isara ang aking bibig.
"Ngayong narito ka na, ipapaliwanag na nila ang lahat," bulong ni Shaina at hinila ako palapit sa mga ate kong serious kung titignan. Maging si Ate Alona na pala ngiti ay seryoso
