Bumili nga si Mader ng magkaparehong damit. Isa sa akin at isa sa kanya. Hindian ko man ay mapilit siya. Regalo raw niya sa akin iyon. Sa tingin ko rin ay malungkot siya.
Nasa fastfood kami ngayon at kumakain. Ibang klase talaga itong si Mader Earth. Kahit saan mo pakainin okay lang. Siya kaya unang dalhin ko sa gotohan...hihihi!
"Nami-miss ko rin ang baby ko. Isang buwan sila sa honeymoon nila. Pagkatapos noon ay hindi naman sa bahay uuwi na dahil may bahay na silang sarili," maktol niya. Halata naman na kanina pa talaga siya matamlay.
"Mader Earth. Kapag nalulungkot ka at gusto ng kausap. Puntahan mo lang ako sa clinic o kaya tawagan mo ako," sabi kong ginagap ang kanyang kamay.
Ngumiti siya sa akin.
"Mga busy kasi mga kasama ko sa bahay. Si EJ panay trabaho. Kahit naman asawa ko
