•Maureen•
Ilang oras din kaming nakaupo roon nag-uusap lang ng mga walang makabuluhang bagay. Hindi naman ako nabagot kahit ganoon lang ang ginawa namin.
Nag-aalinlangan akong napangiti nang marinig ko ang rambulan ng mga bulate sa aking t'yan. Napatingin ako kay Nathaniel para kumpirmahin kong narinig niya rin ba ang nakakahiyang tunog na iyon, ngunit hindi naman ito nakatingin sa akin at may katawagan.
"Let's go?" Kumunot ang noo ko sa biglaan niyang pag-aaya. Pinitik niya ang tungki ng aking ilong sabay mahinang natawa. "Nagugutom ka na 'di ba? Uwi na tayo, ipagluluto kita."
Nanlalaki ang mata ko sa sinabi niya. Narinig niya nga ang tunog ng aking tiyan? Ramdam ko ang pag-iinit ng aking pisngi kaya kaagad akong nag-iwas ng tingin sa kanya.
"Huwag ka nang mahiya, nerd, sasanayin ko
