LAMPAS alas-sais na ng umaga nakarating sina Therese at Benj sa Puting Paraiso. Hindi sila nagising sa alas-singkong usapan. Five thirty nagising si Therese na nakasiksik sa tagiliran ni Benj. Si Benj na hindi na rin pala nakalipat ng kuwarto. Hindi niya napigilang mapangiti nang magulat ang lalaki at bumalikwas bigla matapos makitang may katabi sa kama.
Ang reaksiyon nito ay parang nakakita ng masamang espiritu. Binato niya ito ng isang unan. Sinalo lang nito iyon at ibinalik sa kanya. Kinuha nito ang gitara at tumatawa pa rin na lumabas ng kuwarto.
Pagkalabas ni Benj ay mabilis siyang nagbihis. Eksaktong alas-sais ng umaga, pareho na silang nasa parking area.
Ngayon, nasa Puting Paraiso na sila.
Pagkatapos ng ilang segundong tanungan
