"Vexie my girl, kape raw ni Sir Leon."
Tila naestatwa ang dalaga nang marinig niya ang sinabi ni Annie sa kanya, nang makapasok ito sa silid ni Alexus kung saan naroon siya at kasalukuyang nagwawalis.
Marahan niyang tinignan si Annie na ngising-ngisi sa kanya. Nang aasar na naman ang babaeng 'to. "Hindi ba pwedeng ikaw na lang ang gumawa? Sabihin mo na lang marami akong ginagawa, " aniya sa babae. Wala naman talaga siyang maraming ginagawa, sadyang gusto lang niyang iwasan si Leon. Hangang ngayon kasi hindi niya pa alam ang isasagot sa lalaking 'yon.
Sunod-sunod na umiling si Annie. "No. Ikaw ang gagawa ng kape at ako ang magwawalis diyan." Lumapit ito sa kanya at hinablot ang hawak niyang tambo. "Akin na 'to. Lumabas ka na at ako na ang bahala sa alaga mong mukhang
