"Can we talk?"
Ikinagulat ni Vexie ang pamilyar na tinig na iyon ni Leon. Hindi niya napansin na nakapasok ito sa kwarto ni Alexus na sakto naman na inaayusan niya ng kumot dahil mahimbing na ang tulog.
"About?" aniya na hindi ipinahalata ang biglaang kabang nadama niya sa presensya ng lalaki.
"Puntahan mo ako sa lanai. Doon tayo mag-usap." At walang sabi-sabing lumabas ito ng silid.
Napasimangot ang dalaga, dahil napaka bossy talaga ng lalaking 'yon kahit kailan. Tila hindi uso rito ang makiusap. Napaupo si Vexie sa gilid ng kama at nag-isip kung pupuntahan ba niya sa lanai ang lalaki at makikipag-usap rito o hindi na lang. Hahayaan na lang niya kaya itong maghintay magdamag?
Pero sa huli, sa naglalaban niyang loob ay napagdesisyonan niyang magtungo roon. Curious din kasi siya sa m
