"Come with me."
Nagulat si Vexie nang kinabukasang palabas pa lamang siya sa kanyang silid, may matigas na kamay na humawak at humila sa kanyang braso. Nang matunghayan kung sino 'yon ay nanlaki ang mata niya. Si Leon. Hindi ito nakapang-opisina. Nakasuot ito ng puting polo at brown khaki shorts. May sun glass din ito kahit nasa loob pa ng mansion ay suot na ng lalaki. Kahit kasimple ang bihis nito ay hindi maipagkakaila ang kakisigan.
"T-teka." Tsaka siya umalpas sa hawak nito. "Saan tayo pupunta? Tsaka hahanapin ako ni Alexus," aniya sa mabulul-bulol na tinig.
Walang kangiti-ngiting tinignan siya ni Leon. "Don't worry about my son, ibinilin ko na siya kay Mayordoma. Just come with me," anito na muli na naman inaklit ang kanyang braso. Wala siyang nagawa kung hindi magpatianod na lam
