"Naku. May paparating na bagyo, kaya pala medyo malamig-lamig ang panahon," ani Mayordoma nang marinig ang balita sa TV na nasa kusina. Buti na lamang at nakabalik na sila mula sa Hacienda. "Mamalengke ka na bukas, Luisa. Para kapag dumapo na ang bagyo e hindi na isa pa sa iniisip 'yan, " dugtong pa ng mayordoma.
"Opo, Manang"- Luisa.
Nakikitulong siyang magbalot ng lumpia na ipiprito ni Annie. Tulog naman si Alexus kaya malaya siya, si Leon ay biglang nawala pagdating nila ng mansion. Nagmamadaling umalis ito na tila may pupuntahang mahalaga.
"Kamusta na ba si Donya Amor, Vexie?" baling ng mayordoma sa kanya.
"Okay na po siya. Nagpapalakas na lamang..."
"Naku mabuti naman kung ganoon. Kawawa naman si Donya Amor, " anito habang nagsisimula ng iprito ang mga naibalot na nila. Kahit may
