Nag-unat-unat pa si Vexie nang umagang 'yon, sa pag-aakalang nasa sariling silid. Ngunit gulantang siyang napabalikwas ng bangon nang mapagtantong nasa estranghero siyang silid. Nanlalaki ang mga mata na iginala niya ang paningin sa paligid. Hindi siya maaring magkamali. Nasa silid siya ni Leon!
Agad niyang tinignan ang suot sa ilalim ng kumot upang masiguradong walang nawawala roon, kinakapa kapa pa niya ang sarili kung masakit ba ang katawan niya o ano.
"Don't bother. Hindi ako nagsasamantala sa kalasingan ng isang babae."
Biglang lumipad ang tingin niya sa nagsalita, si Leon na mukhang kagagaling ng banyo at naghilamos, dahil basa pa ang mukha nito. May towel ito sa balikat. Nakasuot ito ng puting sando at itim na pants na pantulog. Yeah, kahit ganoon ang ayos nito, napakagwapo pa
