Matapos ang isa at kalahating oras na may kasamang kababalaghan sa parte namin ni Lucas, at umaktong parang walang nangyari, ay natanaw ko na ang napakagandang isla. Napakagandang tanawin ng magandang dagat at hindi naiwasang magningning ang mga mata ko kasabay ng iba't-ibang tunog ng pananabik mula sa mga kapatid ko.
"Ladies and gentlemen, we have reached our destination. Please wear your seatbelt and remain seated. We will land soon. Thank you."
Pagkalapag ay inalis ko na ang seatbelt ko bago marahang tumayo at inalalayan ang tiyan. Agad akong napangiti nang makitang nagtatatalon na halos ang mga bunso namin habang ang mga lalaki ay nakatayo na malapit sa pinto.
"We have reached our destination. Thank you for flying with us and have a good day!" Narinig sa paligid at kasabay nito ay
