DAHAN DAHANG inialis ni Archie ang suwero na nakatusok sa kaniyang kanang braso. Napangiwi si Archie nang makitang dumugo ang parte na tinusukan ng suwero sa kaniya kahit na dahan dahan naman niyang inalis ang karayom. Iniabot niya ang isang tissue sa loob ng tissue box na nakapatong sa may lamesa. Nang maalis niya ang bahid ng dugo ay tumayo na siya at saka lumabas ng kuwarto upang magtungo sa front desk.
Hindi siya pinalitan ng hospital robe kaya naman ay makakalabas siya ng kaniyang silid sa ospital nang hindi nasisita ng mga nurse na kaniyang nakakasalubong. Kinakain pa rin ng lungkot ang kaniyang puso ngunit naalala niya ang tungkol sa kaniyang ate.
Binalot ng matinding pag-aalala ang kaniyang puso nang maalala niyang natamaan din ito ng bala ng baril kaya paniguradong nasa lo
