ILANG katok sa pintuan ng kuwarto ni Liby ang nakapagpalingon kay Riya. Malapad ang pagkakangiti ng labing-siyam na taong gulang na si Melody nang ganap na itong nakapasok sa loob ng silid saka lumapit sa kaniya.
“Ate Riya…” paanas na tawag sa kaniya ni Melody saka umupo sa kama at tinulungan siyang magtiklop ng damit para ilagay sa loob ng luggage.
Marahan niya itong sinulyapan sa nagtatanong na paraan. “Hmmm?”
Humugot ng hininga ang dalaga saka nanunudyong tumingin sa kaniya.
“Matagal na pala kayong magkakilala ni Senyorito Ethan?” anito saka iniligay ang tiniklop na dami ni Liby sa luggage bagama’t hindi inaalis ang tingin sa kaniya.
Kumunot ang noo niya.
“Ha?” Nagulat siya dahil wala namang nakakaalam no’n maliban sa kanilang dalawa ni Ethan.
Ngumiti ito nang may kahulugan saka
