KAPWA walang imik sina Ethan at Riya nang ganap na silang magsolo sa loob ng unit nang makaalis na ang concierge na nagdala ng mga gamit nila sa condo.
Alas-tres pa lang ng hapon at pagkatapos i-set up ni Ethan ang foldable baby cot ni Liby ay inilapag na roon ni Riya ang sanggol para makatulog nang maayos ang sanggol.
Kasalukuyan niyang inaayos ang salansan ng mga frozen breast milk sa loob ng freezer naa inilagay niya roon kaninang pagdating nila nang lumabas si Riya mula sa guest room. Naramdaman pa niya ang marahang paglapit nito patungo sa kusina at ang pagtigil nito sa may harap ng lamesa.
“Have a seat. Iniinit ko lang ‘yong sopas na niluto ni Manang Melda. Sandali lang,” anyaya niya nang lingunin niya ito pagkasara niya ng pintuan ng freezer at matagpuang iginagala nito ang mga
