PAGKATAPOS makausap ni Ethan si Leonardo Agapito, ang Senior VP ng Finance at ninong ng namayapa niyang kapatid na si Nathaniel, ay humugot siya nang malalim na hininga bago pilit na ngumiti at bumaling kay Riya. Kasalukuyang nakatutok ang atensyon ng dalaga sa pinapanood na palabas sa Netflix na bahagyang ikina-amuse niya.
“I didn’t expect that you’re into Disney movies,” puna at komento niya pagtingin sa pinapanood nito na Frozen.
Medyo nagulat pa ang dalaga sa sinabi niya saka alanganing umalis sa pagkakasandal sa sofa at bumaling sa kaniya.
“’Ah, ‘yan ho kasi ang palaging pinapanood ng mga bata sa Angel Wings, Sir Ethan,” paliwanag nito na sa kaswal na paraan bago ibinalik ang atensyon sa tv.
Tumango-tango siya saka nag-alis ng bikig sa lalamunan. Muling bumaling sa kaniya si Riya
