"Balik ka na naman sa bisyo mo? Jusko, di mo man lang inisang buwan ang pagpapahinga mo sa kalokohan mo!" anang si Tonio ng kunin ko siyang assistant ko sa negosyo ko.
"Paanong naging kalokohan ang kumita ng pera, aber? Lahat na lang talaga ng bagay pag di abot ng IQ mo, kalokohan para sayo ano?"
Umirap ito. Andito kami sa garden ng bahay. Maayos ko siyang kinakausap tungkol sa negosyo ko pero heto't pang-iinsulto pa ang natatanggap ko. Ang choosy ng bakla, akala mo naman kay ganda.
"Ano na naman kayang balak mong gawin ngayon? Aarte ka na naman ng live sa harap ng maraming tao? Kailan ka ba titigil? Pag nasapak ka na?"
I rolled my eyes. "Sinong maglalakas loob sapakin ang ganito kagandang mukha? Baka sa'yo, di sila magda
