Alas sais na ng umaga ng magising si Diesel. Napangiti pa siya ng maalala ang nangyari sa kanila ni Gia sa nagdaang gabi. Hindi niya akalaing mangyayari sa kanila iyon. Sa totoo lang ay lalaki siyang nagtitiis. Dahil mahal niya si Gia ay iginagalang niya ito. Ang isa pa, wala naman talaga siyang karapatan noon. Pero ngayon, sisiguraduhin niyang, magiging masaya sila ni Gia at magsasama habang buhay.
Napawi ang ngiti ni Diesel ng hindi niya makapa sa kanyang kanang bahagi si Gia. Bigla siyang bumangon dahil kailangan nilang magkausap na dalawa. Kailangan din niyang aminin ang kanyang ginawa. Kalokohan mang maiituring ng iba. Pero sa tulad niyang desperado, na maaangkin si Gia, katapangan ang tawag doon.
Mabilis na naligo si Diesel para puntahan si Gia at Gael sa kwarto ng mga ito. Mabilis
