Madilim na ng makaalis si Diesel ng mall. May inayos pa kasi siyang documents na biglang dumating ng makaalis ang mag-asawa ni Shara at Mikel.
Pagkaparada pa lang ng kotse ni Diesel, ay sinalubong na siya kaagad ni Manang Fe. Nagtataka naman siya, dahil hindi naman siya inaabangan ni Manang Fe pag dumarating, pero ngayon ay nasa harapan niya ito.
Bakas ang pag-aalala sa mata ni Manang Fe, kaya naman mabilis niya itong nilapitan.
"May problema po ba Manang? Bakit po nandito kayo sa labas? Malamig na po kahit po alas syete pa lang. Baka po magkasakit kayo." Masuyong tanong ni Diesel na ikinahawak ni Manang Fe sa mga kamay niya.
"Hijo may problema ba kayo ni Gia? Pagkagaling namin sa palengke ay nakita lang namin si Gael na kabababa lang ng school bus, pero wala doon si Gia. Mabuti na lam
