GAEA'S P.O.V:
"IKAW NA naman!?" singhal ni Lexus habang hawak-hawak ni Deo ang pulsuhan niya dahil balak niya akong sampalin sa harapan ng bahay ng mga magulang ko.
"Kailan ka ba titino?" malamig na wika na sambit ni Deo ngunit hinawi lamang ni Lexus ang kamay niya palayo rito at pinunasan ang mukha niyang dinuraan ko kanina.
"Bakit ba masyado kang pakialamero? Nasa akin na si Gaea kaya ano pang ginagawa mo sa harapan ko?"
"Na sa'yo kasi inunahan mo ako? Napaniwala mo ako na mahal mo siya kaya nagpaubaya ako. Akala ko liligawan mo lang pero putangina, pinakasalan mo pa!" singhal ni Deo kaya napahawak ako sa dulo ng damit niya at saka naman lumapit si Kuya Darius na kakasilid lamang ng cellphone niya sa kanyang bulsa at bumulong sa akin.
"Papunta na rito si Lexie kasama si Allen at ang
