"Ako ang nababahala, Honey. Hanggang ngayon ay ayaw pa ring harapin ni Cassandra ang asawa niya," malungkot na wika ni MaCon.
"Parang lagare na nga si Tommy sa kapaparoo't parito, Hon. Kung noon ay ang mga biyanan lamang niya ang iniiwasan, ngayon ay lahat na sila. Kahit si Tan-Tan ay iniiwasan na rin samantalang wala namang kasalanan sa kaniya ang batang iyon," sabi pa ni Clarence.
Tama, ilang buwan na ang lumipas simula nanirahan sa Baguio ang dragona. Mag-anim na buwan lamang ang tiyan nito ng mga panahong iyon. Nasa last month of pregnancy na ito sa kasalukuyan. Ibig sabihin ay mag-apat na buwan na ring pabalik-balik doon ang asawa nito. Ngunit wala ni isang pagdalaw nito ang hinarap ng buntis. Ang maganda lamang ay hinayaan nito ang sanggol na kalaro ng asawa. Nagkukulong ito kapag
