Destiny
Napabuntong-hininga ako habang pinapanood ang video tungkol sa nangyaring raid sa underground hospital doon sa Quezon City. Kahapon ito nangyari at ngayon ay under investigation ito. Mayroong limang pasyente roon na katulad na katulad ni Hellion ang hitsura noong nakaraan ngunit ang problema, bago pa makarating ang pulis ay pinatay na sila. Magulo ang paligid at halatang mabilisan na nag-evacuate ang kung sinong mga naroon. Walang bakas na naiwan kung ano ang ginawa sa kanila kaya nga idaraan sa pag-aaral at autopsy ang labi ng mga namatay na pasyente.
Sinulyapan ko si Suzzane na wala pa ring malay. Pagdating namin kahapon doon ni X ay may kagat nga siya sa leeg. Buti na lang umalis ang Tita ni X, kung hindi ay nadamay na ito. Maraming dugo yata ang nawala kay Suzzane. Dinala nam
