Cloud Angel

#42 What is this?

CA36

Napaatras ang dalawang kasama ni Valentina, isa sa mga ito ang nag-angat ng kamay para protektahan s’ya sa likuran. Halatang masamang balita ang lalaking ito. Sa itsura nito—base sa tilamsik ng dugo sa katawan—katatapos lang nitong magkatay. Pero kung anong kinatay nito, hindi nila alam.

“Sino ka? Anong kailangan mo?” lakas loob na tanong ni bigote.

“Hindi ikaw ang pakay ko tao,” nakangising sabi nito na sinabayan pa ng pagtaas ng hawak na bolo knife. “Kaya kung ayaw mong masaktan, tumabi ka.”

Pinanlisikan ito ng tingin no’ng matabang lalaki. Dinukot n’ya ang nakasuksok na baril sa likurang pantalon at itinutok ‘yon sa bagong dating. “Manong, wala kang kinalaman dito kaya kung ako sa ‘yo, aalis na lang ako kung ayaw mong masaktan!”

“Tao, hindi natin alam kung sino sa ating dalaw