“HEY, guys! I’m here na!”
Napalingon sina Angela sa babaeng dumating bigla habang kumakain sila ng lunch. Kasama niya sa hapag-kainan sina Logan, Brent at Markus.
“Luna!” Masayang bulalas ni Angela. Awtomatiko siyang tumayo at sinalubong ang bagong dating. “I missed you! Kumusta ka na?”
“`Eto, maganda pa rin like you! Saka nagpakulay ako ng hair. Look!”
Kumalas siya sa pagkakayakap sa kaibigan at tiningnan ang ipinagmamalaki nitong buhok. Kulay pink na iyon na may kasamang black. “Oo nga! Bagay sa iyo! Ang ganda!” puri ni Angela.
Umikot ito na akala mo ay isang modelo. “`Di ba? Blackpink in your area lang ang peg!” tawa nito. “Saka para hindi na nalilito ang mga boys natin dito kung sino si Luna at sino si Angela! May pagkakaiba na tayo. Ang bright ko, right?”
“May point ka k
