“NAIINIS ako sa iyo, Luna. Sana ay hindi ganiyang kamahal na sapatos ang pinili mo. Ayoko lang mapahiya sa mga tao roon kaya ako pumayag!” Palihim na natatawa si Angela sa paghihimutok ni Lorena habang kumakain sila sa isang fastfood restaurant.
Nag-order ito ng spaghetti, burger, fries at softdrinks para sa kanilang dalawa. Dapat daw ay sa mamahaling restaurant sila kakain pero dahil sa laki ng ibinayad nito sa sapatos niya ay sa fastfood na lang para makamura. Inabot na ng gutom si Lorena kaya hindi na nito nahintay na makauwi sila ng bahay. Kanina ay tinawagan nito si Sergio at sinabing mag-delata muna para sa hapunan at hindi sila makakauwi sa oras ng hapunan.
“Sorry, ate. Akala ko kasi ay mura itong sapatos na napili ko. Ang simple kasi ng design kaya hindi ko na tiningnan a
