“LUNA, saan ka pala nakatira? Malapit ba rito ang bahay mo?” Magiliw na tanong ni Lorena kay Luna.
Umiling ang tinanong. “Galing po ako sa Palawan at doon po ako lumaki. Lumuwas po ako rito sa lugar ninyo para mag-asikaso ng mga dapat kong gawin para makapunta at makapagtrabaho ako sa Dubai. Iyon nga lang po ay na-scam po kami no’ng recruiter namin. Lahat ng perang meron ako ay nakuha niya.”
“Aba, bakit hindi ka nagreklamo o kaya pina-pulis mo?”
“Ginawa po namin ng iba pang na-scam pero hindi na po siya nakita ng mga pulis, e. Sadyang may mga taong sinuswerte at nagagawang takasan ang kasalanang ginawa nila.”
Tumikhim si Cedrick. Nakikinig lang siya sa palitan ng pag-uusap nina Lorena at Luna.
Kasalukuyan silang kumakain ng pananghalian at kasabay nila si Luna. Hindi niya alam
