NAPUNO ng kasiyahan ang puso ni Angela ngayong nakita na ulit ni Kakay si Lala lalo na at alam niya kung gaano nito kamiss si Lala.
“Sino ka po?” tanong ni Lala kay Kakay. Hindi kasi nito makilala si Kakay dahil sa cap at face mask.
Iyak lang nang iyak si Kakay at hindi nagsasalita. Sinabihan niya ito na hindi ito maaaring makilala ni Lala.
“Lala, friend ko iyan. Cute na cute kasi siya sa iyo kaya gusto ka niyang makita,” si Angela na ang sumagot sa tanong nito.
“A-ate Luna, gusto ko na kasama si Lala. Ayaw ko nang hiwalay sa kaniya.” Nakikiusap na turan ni Kakay.
“Anong ibig mong sabihin?”
“Sama ko na siya sa akin ngayon. Doon na siya tira sa amin. Please, ate? Ayaw ko na malayo kay Lala. Love ko Lala, e! Please, ate... Please!” sisigok-sigok na pakiusap nito habang mas humi
