SMITTEN 18
Nang nasa van na kami nina Miles ay nakatuon lang ang atensyon ko sa salamin na halos hindi na makita ang nasa labas dahil sa lakas ng buhos ng ulan. Mabagal din ang naging takbo at napapadalas pa ang paghinto dahil sa traffic sa mga eskinita dahil sa pagtaas ng tubig sa mga dinadaanan. Makitid din ang mga daan kaya ngayon ko naintindihan ang sinabi ni Miles na masyado daw hassle kung gagamitin ang van sa pagpunta sa auditorium.
Narinig kong naghikab ang isang driver na nasa harapan. Dalawa silang sumundo sa amin dahil sa tuwing mapapahinto ang sasakyan ay lalabas ang isa para magbigay ng instruction doon sa nagmamaneho.
“Mukhang wala kang tulog, ah? Dinaig mo pa ako na may anak na baby sa tindi ng puyat mo,” rinig kong komento ng driver. Dala ng pagkainip ay pasimpl
