CANADA..
Malungkot na naman siyang nakatingin sa labas ng bahay at nanonood ng mga taong dadaan. Ang kanyang mga balat ay tuyo na. Payat na payat na siya.
Sanhi ito ng hindi niya pagkain, dahil natatakot siya na baka nilalason na siya ng asawa. Nilapitan siya ni Enzo, saka kinausap.
"Sir, ilang linggo na kayong hindi kumakain. Umiinom na lang kayo ng tubig. Baka kung ano pa ang mangyari sa inyo.?" sabi nito, "may problema po ba?"
"Matagal na naman akong namatay" sagot niya na hindi ito nililingon, "simula ng maratay ako sa ganitong kalagayan, kinonsider ko na na patay na ako. Nagka amnesia ang pinakamamahal ko dahil sa akin."
"Si ma'am Ellie po ba?"
"Hindi.. si Marie.."
"Kung mahal nyo po ang Marie na yun, bakit si ma'am Ellie ang asawa niyo?"
"Dahil iniligtas niya ang babaeng pina
