"Alam mo, Edyssa lalo kang gumaganda ngayon," puri ni Sheena sa kaniya. Kasalukuyan silang nakaupo sa nipa hut na kabibili lang ni Santi kahapon.
"I agree, iba talaga kapag palaging nadidiligan eh," sambit ni Ressha.
"Kailan kasi uuwi ang asawa mo?" tanong ni Dessa kay Ressha. Huminga ito nang malalim at bumusangot.
"Ewan sa lalaking 'yon. Hindi ko nga alam kung uuwian pa ako o hindi na," malungkot na sagot nito.
"Eh, mahal mo na ba?" tanong ni Sheena. Nagkibit-balikat ito at napatingin sa kinakain nilang pizza.
"Ewan ko, sa tinagal-tagal namin pakiramdam ko iyong paghanga ko sa kaniya nawawala na. Minsan nga naiisip kong mag-file na lang ng anullment ng marriage namin kasi napapagod na rin ako. Ramdam na ramdam ko na ang pinagdadaanan ni, Edyssa noon. Iyong gustong-gusto mo nan
