“MAY problema ba?”
Nilingon ni Hannah si Jeff Mitchel. Kasama niya ang binata sa recreation room ng villa. Napagkatuwaan nilang panoorin ang ilang mga lumang pelikula na koleksiyon ni Lola Ancia. Wala silang ganang lumabas nang araw na iyon kaya napagpasyahan nilang doon na muna sila.
“Ha?” ang tanging naitugon ni Hannah. Napansin marahil nito na kanina pa siya natutulala at wala talaga sa malaking plasma TV ang atensiyon niya.
“May problema ba?” tanong uli nito sa kanya. “May gumugulo sa `yo?” Seryoso ang ekspresyon at tinig nito habang nakatingin sa kanya. May concern din sa mga mata ng binata.
Nais niyang magkaila. Nais niyang sabihin na walang problema, na walang gumugulo sa kanya. Ngunit hindi niya magawa. He would know the truth eventually anyway. “Zac is in the country.”
Tinawa
